How to cook Pork Tonkatsu and Katsu Sauce

Pork Tonkatsu

Ingredients
1/2 kg Pork chops skin removed
1cup Japanese bread crumbs
1/2cup flour
1 egg
Iodized Salt
Ground black pepper
1cup shredded cabbage for garnish
Serving size: Good for 5 persons

First step ay lagyan ng salt and pepper ang pork chops, tusok tusukin o hiwa hiwain ng bahagya gamit ang kutsilyo ang pork chop para manuot ang pampalasa at mas madaling maluto.

Sunod ay lagyan ng harina, siguraduhing covered lahat ng parte atsaka itaktak para maalis ang sobrang harina.

Ilubog sa binating itlog ang pork chop na balot ng harina.

Panghuli ay ilagay sa Japanese bread crumbs at siguraduhin din na malagyan lahat ng parte atsaka itaktak ng dahan dahan para matanggal ang sobrang bread crumbs.

Magpainit ng mantika, medium fire or kung induction cooker ang gamit ay 350℃. Ilubog ng dahan dahan sa mainit na mantika at lutuin ng 6-8 minuto. I-turn kada isang minuto ang pork kung hindi nakalubog sa mantika. 

Pakaluto ay ilagay sa cooling rack

Hiwain sa lima hanggang anim na piraso, ipatong sa ginayat na repolyo at saka buhusan ng katsu sauce at ihain ng mainit. 

Katsu Sauce filipino style

Ingredients

2 tbsp Worcestershire sauce

4 tbsp Banana catsup

1/2 tsp ground black pepper

1 tbsp brown sugar

Ilagay lahat ng ingredients sa isang maliit na mangkok at haluin ng maige at ihanda kasama ang pork tonkatsu. Enjoy! 

How To Make Ginataang Bilo-bilo with Costing

Ginataang Bilo-bilo

Mga Sangkap

1/4 Bilo-bilo                   Php 20

1/4 Langka                    Php 20

1/4 Asukal segunda       Php 12

1 kg Kamote                  Php  20

10pcs Saba                    Php 20

2 Baong Gata                 Php 30

1 basong Sago               Php 5

1 kutsarang Vanilla        Php 16

2 kutsarang Harina        Php  5

Kabuuang gastos Php 148

Maiihain sa 15 ka-tao

Una  ay gataan ang 2 niyog sa 2 basong mainit na tubig para sa kakang gata at itabi. Muling gataan ang niyog sa 3 basong mainit na tubig. Isalin sa kaldero ang ikalawang gata, magdagdag ng 5-6 pang baso ng tubig at pakuluan.

Habang pinapakuluan ay ihanda na ang iba pang mga sangkap. Unang ilagay ang saging na saba na hiniwa na pa-half moon, antayin maluto ng bahagya (mga 3 minuto).

Sunod na ilagay ang kamote na hiniwa ng pa-kuwadrado.

(Maaari rin magdagdag ng sangkap tulad ng kamoteng kahoy at gabi, ito po ay opsiyonal)

Pakakulo ng kamote ay idagdag na ang binilog na bilo-bilo.

Antayin lumutang ang bilo-bilo bago ilagay ang asukal. haluing mabuti.

Pakuluin ng 5 minuto. Sunod na ilagay ang sago at langka

Mas mainam gumamit ng sariwang langka para mas mabango.

(Minatamis na langka po ang aking ginamit, 

natirang sangkap sa ginawa naming halo-halo :D)

 Ilagay ay ang kakang gata o unang piga at vanilla para mas lumasa.

Maari ring lagyan ng pandan kung walang vanilla 

para mas lalo pang bumango ang lutuin

Magkanaw ng 2 kutsarang harina sa kalahating basong tubig. 

Ibuhos sa lutuin para lumapot.

Pakuluin pa ang mga sangkap hanggang sa lumambot ang kamote at saging. 

Para mas atraktibo, maari rin lagyan ng violet na food coloring, ito po ay opsiyonal.

Ihain ng mainit. Kumain kasabay ang pamilya. Enjoy!

To God be all the glory!